Tabîbân-ı mahabbet hasta-i hicrânı sormazlar
Bilürler çâre olmaz derdi bî-dermânı sormazlar
Dem-â-dem ‘ayb idenler hâl-i ‘uşşâk-ı perîşânı
‘Aceb âşüftegî-i kâkül-i hûbânı sormazlar
Olanlar neş’e-yâb-ı la‘l-i şeker bârı dildârun
Dahı ey Hızr senden çeşme-i hayvânı sormazlar
Su’âli birbirinden herkesün gül mevsimindendür
Bu gülşende peyâm-ı bülbül-i nâlânı sormazlar
Bütân Âgâh cümle hâl-i dilden bî-haberlerdür
‘Azîzân-ı melâhat külbe-i ahzânı sormazlar
