Virmezse n’ola şem‘-i bezmhâneye fürûg
Besdür safâ-yı künc bu vîrâneye fürûg
Ne bahtum ahterinde ne sâgarda var ziyâ
Lâyık degül mi yoksa bu gamhâneye fürûg
Mir’ât-ı dilde cilveger olmaz o meh ‘aceb
Sıgmaz sanur mı dil gibi kâşâneye fürûg
Şem‘ün fürûgı olmayıcak tîre rûzdur
Hurşîd u mâh salsa da pervâneye fürûg
Ragbetsüz olur olsa da Âgâh şem‘-i Tûr
Bezl olmayınca mahrem u bîgâneye fürûg
