Âhî Dîvânı 100

Ahi

? - ?
  • 617 okuma
  • 8 yıl önce
  • Yorum Yok
0 ● 5 0 Oy

Bir elif çekdi yine sîneme cânân bu géce
San sarıldı baña bir serv-i hırâmân bu géce

Ayuñ on dördi gibi dün géce meclisde édüñ
Kanda ahşamlayasın éy meh-i tâbân bu géce

Yine bilsek ki ‘aceb kimlere hem-kâse édüñ
Ki cihân dolmış édi na‘ra-i mestân bu géce

Seni dün géce rakîb ile görüp sohbetde
Düşdi yalıñ kılıca şem‘-i şebistân bu géce

Rindler sohbetine tâlib olan ‘ârife diñ
ÂHÎ’nüñ hücresine cem‘ ola yârân bu géce

Ahi

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir