Âhî Dîvânı 122

Ahi

? - ?
  • 503 okuma
  • 8 yıl önce
  • Yorum Yok
0 ● 5 0 Oy

Gördiler kim cânlar alur ğamzeñüñ peykânını
Her kişi tende emânet saklar oldı cânını

Pehlevânlık adını ‘âlemde destân étmege
Kanlu yaşlarla pür étdüm sînemüñ meydânını

Şöyle cânum acıdur şîrîn lebüñ öpdükçe kim
Meclisüñde sâğaruñ bulsam içerdüm kanını

Geçdi çün devr-i kamer gün yüzliler devrânıdur
Sürsün ol gün yüzli sürsün geçmedin devrânını

Göñlegin ÂHÎ göge boyadı dûd-ı âhdan
Gör néce reng ile avlar ol levend oğlanını

Ahi

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir