Âhî Dîvânı 124

Ahi

? - ?
  • 431 okuma
  • 4 sene önce
  • Yorum Yok
0 ● 5 0 Oy

Ne musâhib bulunur derd ü ğam-ı yâr gibi
Ne ferâğat yéri var gûşe-i hammâr gibi

Bir bölük başına gün toğmaduk üftâdelerüz
Yérlere çalma igen sâye-i dîvâr gibi

Getürüp nokta gibi ortaya atdı beni çarh
Başladı kendü kıyı çizmege pergâr gibi

Yaralu kollarumı dâğ-ı ğamuñdan néce bir
Destmâl ile asam boynuma tûmâr gibi

Ol kıyâmet beni ferdâya salup ÂHÎ hemân
Yarına kaldı işüm va‘de-i dîdâr gibi

Ahi

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir