Leblerin yâd édicek cismümüze cân geldi
Göñül abdâlı yetiş tekyeye kurbân geldi
Sevin éy dil ki saña derd ü ğam-ı yâr gelür
Sohbet esbâbı gerek hücreye yârân geldi
Zâhidâ biz de yübûsetle helâk olmuşduk
Mey-i nâb ile birez beñzümüze kan geldi
Pîrlikde delükanluluğum añdurdı şarâb
Yine ol devr-i zamânlar bize oğlan geldi
‘Işk râzını igen açma ki a‘dâ éşidür
Söyleme ÂHÎ birez sohbete nâdân geldi