Âhî Dîvânı 25

Ahi

? - ?
  • 628 okuma
  • 8 yıl önce
  • Yorum Yok
0 ● 5 0 Oy

Ruhlaruñ cân bâğınuñ berg-i gül-i handânıdur
Saçlaruñ dil bezminüñ bûy-i ‘abîr-efşânıdur

Dilde mihrüñ cân vérüp sakladuğum éy meh bu kim
Mü’minüñ kalbinde cândan sevgili îmânıdur

Göñlümüñ tahtında şimdi éy kemân-ebrû senüñ
Hükm éden cân yérine tîr-i ğamuñ peykânıdur

Bir güle baksañ yüzine n’ola çün éy ğonca-leb
Midhatüñ bâğınuñ ÂHÎ murğ-i hôş-elhânıdur

Ahi

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir