Dér imiş cümle murâd ölmeyicek hâsıl olur
Dôstum bu néce sözdür buña kim kâ’il olur
Bir nefes her kime kim hem-dem ola göñlin alur
Hey kimüñ cânıdur ol şûh ne ehl-i dil olur
Göñlümüñ kâfilesi kûy-ı vefâ ‘azmin éder
Hak ‘aceb érgüre mi ki ne uzak menzil olur
Yârı görmek nécesin men‘ éde élden ‘âşık
Zerre hurşiyd ziyâsına kaçan hâ’il olur
Yüri var hak sözi ko néce ötersin bülbül
Şi‘r-i ÂHÎ’ye nazîre démecük müşkil olur
