Kâse-i zehr-i felâket başuma efser yeter
Egnüme zillet libâsı câme-i zîver yeter
Şâh-ı ‘ışkam kûs-ı rihletle fenâdan göçmişem
Baña hecrân leşkeri mülk-i ‘adem kişver yeter
Sen kuşan zerrîn kemer sevdâ-yı zülfüñle baña
Hayderî-veş bélüme zencîr-i ejder-ser yeter
Saña gül-gûn bâliş ü zer-beft pister ‘âşıka
Seng-i hûn-âlûd bâlîn bûriyâ pister yeter
‘Âr u nâmûsı n’édem ben göz yaşı besdür baña
‘Âşıka yüz suyı ‘âlem içre rûy-ı ter yeter
Baña ÂHÎ yaraşur altun beñeklü câme-hvâb
Külhan içre pister-i sincâbî hâkister yeter
