Gözlerüm yaşı şarâb-ı erğavân oldı baña
Senden ayru içdügüm éy dôst kan oldı baña
‘Akl u sabrum kârbânın urdı bir kâfir benüm
Hey müselmânlar meded kim çok ziyân oldı baña
Seyre çıkdum yâr ile ağyârı gördüm nâ-gehân
Vay bu kâfir hôş belâ-yı nâ-gehân oldı baña
Câm-ı meyden añladum ‘aks-i lebüñ esrârını
‘Âlem-i ervâhdan bir sır ‘ayân oldı baña
Tutmayınca ‘âlemi âhum ben ÂHÎ olmadum
Kendü âhum ‘âkıbet nâm ü nişân oldı baña
