Âhî Dîvânı 73

Ahi

? - ?
  • 544 okuma
  • 8 yıl önce
  • Yorum Yok
0 ● 5 0 Oy

Gözi âhûları gel ‘azm-i kinâr eyleyelüm
Biz de begler gibi bir sayd u şikâr eyleyelüm

Başumuz alup ayak götürelüm ‘âlemden
Gel kalender olalum terk-i diyâr eyleyelüm

Yakalum lâle gibi dâğlar eteginde buhûr
Bir beñi fülfül ile ‘ayş-ı bahâr eyleyelüm

Zülf-i dil-ber gibi vardı Karaman mülki yéle
Varalum Rûméli’ni biz de hisâr eyleyelüm

Cigerüm mey gibi hûn étdi benüm za‘f-ı humâr
Kalata’ya varalum def‘-i humâr eyleyelüm

İçelüm bir güzelüñ zülf ü ruhı şevki ile
Çünki ‘işret günidür leyl ü nehâr eyleyüm

Ol gül-i tâze kulağ urmaya bülbüllerine
Âh ü efğânları biz ÂHÎ hezâr eyleyelüm

Ahi

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir