Âhî Dîvânı 87

Ahi

? - ?
  • 632 okuma
  • 8 yıl önce
  • Yorum Yok
0 ● 5 0 Oy

Döne döne üstüme peymâneler kan ağlasun
Yana yana hâlüme şem‘-i şebistân ağlasun

Destmâlin gözleri yaşıyla gömgök su édüp
Ol bahâr-ı hüsne karşu ebr-i bârân ağlasun

Bunca demlerdür anı hûn-ı cigerle beslerüm
Kanlar ağlarsa benüm’çün çeşm-i giryân ağlasun

Ben yetîmüñ acıyup ağlarsa kanlu yaşuma
Bahr-ı Kulzüm acısun deryâ-yı ‘ummân ağlasun

İtlerüñle âsitânuñda tuz etmek kadrini
Anıcak nân u nemek hakkını yârân ağlasun

Ağlamakla çıkdı gözden ÂHÎ éy pîr-i hıred
Demdür ağlarsa yetîm oldı ol oğlan ağlasun

Ahi

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir