Saña yanmağa yeter hâlümi geh gâh baña
Elif-i sîne ile dâğ-ı dilüm âh baña
Kimler ile géceler kimler ile ahşamlar
Kim éki hafta durur gelmedi ol mâh baña
Tîr-i ğamzeñ yine sînemde éki zahm urdı
Éki göz ile nazar eyledi ol şâh baña
‘Işkı terk eyle baña ‘akl-ıla yâr ol yüri dér
Gör ne ağular éder bu dil-i güm-râh baña
Rûz-ı fürkat nécedür gösterem ÂHÎ’ye démiş
Baña ol günleri göstermesün Allâh baña
