Her kim ayırmak diler ben kuluñı sen şâhdan
Göreyin merdûd olup sürülsün ol dergâhdan
Hecrüñ odından néce bir cân u dil biryân ola
Bi ’llâh insâf eyle éy dil-ber üşen Allâh’dan
Nûr-ı hüsnin ‘arz édüp her dem gelürse âfitâb
Bir gün aña bakmayam yüz döndürüp sen mâhdan
Eşk ü âhum ‘âleme fâş étdi râz-ı ‘ışkumı
Çok mahalde töhmet irer kişiye hem-râhdan
Fürkatüñde hâlin éy dil-ber bu ÂHÎ hastenüñ
Tâkatüm yok kim déyem bârî éşit efhvâdan
