‘Atâ-sâz-i dil ol üftâdeler dâmâna düşdükçe
Yine kayd eyle cânâ defter-i ihsâna düşdükçe
İder kevser terâviş selsebîl-i ‘adnden gûyâ
‘Arak çîn-i cebîn-i dil-ber-i fettâna düşdükçe
‘Aceb mi nazra itmezsem zenahdân-i dil-ârâya
Beyâz-i âbile perde olur çeşmâna düşdükçe
Getür bûy-i latîfi ‘atse-rîz olsun dil-i ‘uşşâk
Sabâ râhun o müşk-i turre-i cânâna düşdükçe
Bulur Sâmî harâbât ehli neşve hem-çü câm-i Cem
Kelâm-i la’l-i dil-ber halka-i rindâna düşdükçe
