Bâde-i bezm-i gamum reng-i ruh-i dil-hastedür
Câm-i şevküm nûn-i ma’kûs-i hat-i işkestedür
Gülsitân-i ‘âlem-i âbumda mânend-i habâb
Mevc-i mevhûm-i hevâ ser-rişte-i gül-destedür
Za’f-i baht-i tîreden müjgân-i çeşm-i hayretem
Hâme-i mûyîn-i tasvîre vücûdum bestedür
Hûn-i eşk-i hasretüm fikr-i kad-i mevzûn ile
Ma’nî-i rengîn-lafz-i mısra’-i ber-cestedür
Dil hayâl-i ma’nî-i bûs-i dehân-i yâr ile
Hem-çü târ-i mıstar-i meşk-i hat-i nev-rüstedür
