Bâde kim revnak-fezâ-yi şîşedür her katresi
Gâze-i ruhsâre-i endîşedür her katresi
Dürd-i nâ-çîzi cerâhat-şûy-i derd ü gussadur
Merhem-i zahm-i dil-i pür-rîşedür her katresi
Cân-i Ferhâdı o mey mest-i ser-endâz itdi kim
Âbdâr-i cevher-i ser-tîşedür her katresi
Ol hum-i pür-feyzden kim cür’a-nûş-i hikmetüz
Mâye-i ‘akl-i Felâtûn-pîşedür her katresi
Âteş-i seyyâle-i ‘aşk itdi Sâmî câna kâr
Kim şerâr-i şîr-sûz-i bîşedür her katresi
