Bâga misâl-i cû kim akar sâgar olmasa
Yâhud kenâr-i cûda leb-i dil-ber olmasa
Lutf-i suhan nezâket-i tab’a nümûnedür
Olmaz nümâyişi ‘arazun cevher olmasa
‘Uşşâk içinde hüsn-i Hudâ-dâdadur nazar
Bir ‘ârız olsa ‘ârıza-i zîver olmasa
Bu köhne âsiyâ hareketden bulur sükûn
Âh-i derûn-i dil gibi bir sarsar olmasa
İtmezdi ka’beteyn-i meh ü mihri halkı zâr
Bu şeş cihât mel’abe-i şeş-der olmasa
Tîr-i nigâhına yine vardur cigerde cây
Kat’â zihâm-i zahm ile dilde yer olmasa
Sâmî ider mi cevheriyân-i hüner kabûl
Eş’âr-i âbdârum eger gevher olmasa
