Bezm-i Pâk-i Hüsne Zîverdür O Zülf Ü Hâl Ü Ruh

Arpaeminizade Sami

? - 1733
  • 407 okuma
  • 5 sene önce
  • Yorum Yok
0 ● 5 0 Oy

Bezm-i pâk-i hüsne zîverdür o zülf ü hâl ü ruh
Dûd-i ‘anber micmer-i zerdür o zülf ü hâl ü ruh

Gerden-i billûrun üzre gûyiyâ bir şîşede
Sünbül ü şeb-bû gül-i terdür o zülf ü hâl ü ruh

Dâg-i gam sevdâ-yi ser tâb-i ciger gitmek muhâl
Dilde kim dâ’im musavverdür o zülf ü hâl ü ruh

Şem’-i şeb-pîrâye vü per-sûhte pervâneveş
Muttasıl germ-âşinâlardur o zülf ü hâl ü ruh

Şu’le-i âha sipend olmak süveydâ-yi derûn
Yâda geldükçe mukarrerdür o zülf ü hâl ü ruh

Gülşen-i hüsn içre dâm ü dâne-i âşûb ile
Murg-i câna kayd-i dîgerdür o zülf ü hâl ü ruh

Halka-i cîm-i cemâli nokta-i nûr üzredür
Safha-zîb-i rûy-i dil-berdür o zülf ü hâl ü ruh

Sûz-i hasret merdüm-i çeşmi perîşân-hâb ider
Tâ ki zîb-i rûy-i dil-berdür o zülf ü hâl ü ruh

Kıldı hüsn-i şâhid-i nazmı dü bâlâ Sâmiyâ
Çün redîfümde mükerrerdür o zülf ü hâl ü ruh

Arpaeminizade Sami

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir