Bu Nîce Leb Ki Âb-ı Hayât Ana Mât Olur

Ahmedi

1334 - 1413
  • 1201 okuma
  • 7 sene önce
  • Yorum Yok
0 ● 5 0 Oy

Bu nîce leb ki âb-ı hayât aña mât olur
Bu nîce kad ki tûbî aña iki kat olur

Gün yañaguñ safâsı-la nev-rûz olur uîd
Gice saçuñ hevâsı-la Kadr ü Berât olur

Gözüm katında Mısr-ıla Bagdâdı itme yâd
Derdüñde göz yaşum nice Nîl u Furât olur

Zülfüñ hevâsın anuñ-ıçun iderem heves
Kim câna ol hevâ-yı hoş asl-ı hayât olur

Zülfüñ esîri cevre gerek ide ihtimâl
Bu ışk yolıdur ki tolu müşkilât olur

Yâr ol-durur ki yârına itdügi vadeyi
Komaya yarına ki cihân bî-sebât olur

Hoş ider Ahmedî leb ü dendânuñı sıfat
Bu nice bahr-ı lü’lü vü kân-ı zekât olur

Ahmedi

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir