Bu resme kim ider gamzeñ kıyâmet
Aceb kim kurtıla senden selâmet
Kıyâm itdükçe sen cân secde kılur
Zihî zîbâ kıyâm u hûb-kâmet
Aceb mihrâbdur kaşuñ kim anda
İki câdû-yı mest ider ikâmet
Yüzüñ gün bigi olmış özri vâzıh
Beni ışkuñda idene melâmet
Vücûdum ışkuñuñ şemine düşüp
Yanar pervâne bigi uş temâmet
Gözüñden nüsha kim gösderdi nergis
Hoş-ıdı olmasa anda sekâmet
Ölürse Ahmedî ışkuñda n’ola
Olur yâruñ yolında ölmek kerâmet
