Cemâlu’llâha oldı vech-i pâk-i Mustafâ mir’ât
Nümâyândur yüzinde pertev-i nûr-i tecelliyyât
Anun nûr-i cemâl-i bâ-kemâli halk olunmışdur
Zuhûra gelmedin ‘ilm-i ilâhîden bu mevcûdât
Nidâ-yi perde-i çeşm-i Kelîm oldı
Velî ol mefhar-i ‘âlem kılup bi’r-rü’ye meşhûdât
Zemînden lemhatü’l-ebsârda seyr itdi eflâki
O nûr-i dîde-i peygam-berân-i mazharü’l-âyât
Ümîdi Sâmî-i bî-çâre kat’ itmez şefâ’atdan
O dergâh-i kerem-pîrâda hâşâ redd ola hâcât
