Cemâlün ârzû eyler nigâhum yâ resûla’llâh
Çıkar her şeb anunçün ‘arşa âhum yâ resûla’llâh
Şeb-i ‘isyânda kaldum mihr-i ihsânunla subhâsâ
Beyâz eyle meded rûy-i siyâhum yâ resûla’llâh
Anı lutfunla ref’ it kalbüme sedd-i sedîd oldı
Vücûdumdur benüm cürm ü günâhum yâ resûla’llâh
Kerem senden yapışdum halka-i bâb-i temennâya
Kapundan mâ-’adâ yokdur penâhum yâ resûla’llâh
Dür-i ser-tâc-i ikbâlüm gubâr-i âstânundur
‘Ubûdiyyetdür ancak ‘izz ü câhum yâ resûla’llâh