Dahı Düzülmemişdi Şehâ Meclis-i Elest

Ahmedi

1334 - 1413
  • 555 okuma
  • 8 yıl önce
  • Yorum Yok
0 ● 5 0 Oy

Dahı düzülmemişdi şehâ Meclis-i Elest
Kim itmiş-idi cânumı ışkuñ şarâbı mest

Nakl olmadın hitâb-ı “enâ Hâliku’l-ineb”
Lalüñ hevâsı itmiş-idi cânı mey-perest

Kaşuñ şikâr-ı cân u saçuñ kasd-ı dîn ider
Kim virdi bu kemân u kemende küşâd u şest

İkrâr itdi serv boyuñ kullugına râst
Kendüden uluya gerek âzâde ola pest

Başlar yoluñda yire düşüp oldı pây-mâl
Fettan gözüñ belâsı bulalı cihâna dest

Pend it gözüñe kim dahı göñlümi yahmasun
Merdüm olan şikesteye neyçün ider şikest

Hoş vaktdur belâsı-la ışkuñuñ Ahmedî
Böyle olur kişi ki içe bâde-i Elest

Ahmedi

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir