Dâm-i zülfi dilün makâmı gibi
Dem çeker evc-i gam hamâmı gibi
Dûrdan hâlin eylerüm takbîl
Hacerü’l-esved istilâmı gibi
Zâhidün her kelâm-i mevzû’ı
Redde mevkûfdur selâmı gibi
Peste ikrâm iden olur bâlâ
Felegün arza iltiyâmı gibi
Leşker-i mevc-i bâde gâret ider
Kârbân-i gamı harâmî gibi
Ehl-i dünyâ bekâda nâdim olur
Zen-perestânun ihtilâmı gibi
Servde togrı söyle şîve mi var
Dil-berün kadd-i hoş-hırâmı gibi
Cilvegâh-i şeh-i mahabbetdür
Dil-i şeydâ mekân-i Sâmî gibi
Bir suhandur mazâhir-i ıtlâk
Zât-i ‘ankâ-zuhûr-i Nâmî gibi
