Degül mihr-i serî’ü’s-seyr eyvân-i tıbâk üzre
Su’ûd itdi şerâr-i dûd-i âhum ihtirâk üzre
Hayâl-i ‘ârızunla serde dâg-efrûz-i ‘aşk olsam
Gören gül-mîhdür dir vaz’ olunmış şekl-i tâk üzre
O gül-gonçe şemîm-i vaslını va’d eyler ‘uşşâka
Yine olmaz şüküfte gül-bün-i bâg-i visâk üzre
Ferâmûş eyleme bûy-âverî-i zülf-i cânânı
Sabâ ser-geştedür ‘uşşâk sahrâ-yi firâk üzre
Olursa halka-i halhâl âgûş-i nigâhumdan
Sezâdur Sâmiyâ ol serv-i bâg-i tâze-sâk üzre
