Devletlü ol kişi ki senüñ bigi yârı var
Hurrem göñül ki bir saña beñzer nigârı var
Her kim ale’s-sabâh duruban cemâlüñe
Togru nazar ide zi latîf rûzigârı var
Göñlüm cihân içinde seni kıldı ihtiyâr
Rahmet bu göñlüme ki ne hûb ihtiyârı var
Cân diledüm kılam kademüñe fidî velî
Cân kim olur orada ki ayaguñ gubârı var
Ne kılayım nisâr saña ki ayaguñ tozı
Tâcına pâdişâhlarun iftihârı var
Cânuma kasd eyledi zülfüñ seza-durur
Aña ki bî-karâr-ıla ahd ü karârı var
Gerçi bu şehr Ahmedî kanına teşnedür
Hoş şehrdür senüñ bigi çün şehriyârı var
