Dil güm-sürâg-i şâh-reh-i ârzû gerek
Deşt-i hevesde sed-güzer-i âb-rû gerek
Rûyun tasavvurıyla gül-i mihr-i ‘âleme
Sarf-i nigâh eyleyemem bana bû gerek
Kaddüm bükildi keş-me-keş-i baht-i dûn ile
Bildüm ki çerh-i kec-revişe ser-fürû gerek
Mihrâb-i ebruvânına ey dil perestişe
Âbıyla tîg-i gamze-i yârün vuzû’ gerek
Çün şâne çâk çâkem eyâ bâd-i subh-dem
Câna peyâm-i turre-i müşkîn-bû gerek
Sâmî bahâr geldi yine bezm-i bâgda
Bir elde câm-i bâde bir elde sebû gerek
