Dil Mergzâr-ı Mihr

Bâki

1526 - 1600
  • 890 okuma
  • 8 yıl önce
  • 1 Yorum
0 ● 5 0 Oy

1 Dil mergzâr-ı mihr ü vefâ mürg-i zârıdur
Dîdâr-ı yâr hüsn ü bahâ nev-bahârıdur

2 Bir âbdur ki akdugı yir lâlezâr olur
Tîgun ki gülsitân-ı safâ cûybârıdur

3 Zülfüñ duhân-ı meş’ale-i bezm-i hüsndür
Agzuñ çerâg-ı lutf u melâhat şirârıdur

4 ‘Uşşâkı zîr-i hâke iletse n’ola gamuñ
Derd-i mahabbet ehl-i dilüñ yâr-ı gârıdur

5 Câm-ı zer ile buldı ziyâ bezm-i devleti
Nergis ki tahtgâh-ı çemen tâcdârıdur

6 Çeşm ü çerâg-ı merdüm-i sâhib-nazar yiter
Câm-ı şarâb-ı nâb ki Cem yâdgârıdur

7 Bâkî hümâ-yı evc-i sa’âdet zamânede
Şâhîn bakışlu Şâh Selîmüñ şikârıdur

Baki

  • Selene Gatto dedi ki:

    I love this poems! Can I have the english or turkish translation of this one? Turkish poetry is beautiful.
    Bu şiirleri seviyorum! Bunu İngilizcede veya Türkçede çevirirsiniz misin? Türk şiiri güzel.

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir