Ey tûtî-i bahâr-i letâfet tekellüm it
Nutk-i Mesîh-i mu’cize-gûya tebessüm it
Yak bûriyâ seründe gönül dâg ü şerhadan
Ol mâha ‘arz-i çîn-i cebîn-i tazallum it
Tathîr ider derûnunı çirk-âb-i süm’adan
Dürd-i şarâb-i nâb ile zâhid teyemmüm it
Ey dil sipihr-i gerdiş-i çeşm-i niyâzda
Her katre-i sirişküni mânend-i encüm it
Ey şûh tâ-be-key bu nihânî kirişmeler
Sâmî-i nâ-şikîbe nigâh-i terahhum it
