Eyleyüp gird-i zekandan hattını dil-ber terâş
Eyledi elmâsdan gûyâ ki bir sâgar terâş
Oldı her mûy-i serüm mânend-i rîş-i nahl-i Tûr
Olıcak Mûsâ-be-dest-i nâz o şûh-i ser-terâş
Dest-i âhı itmedi seng-i dil-i Şîrîne kâr
Bî-sütûnda gerçi Ferhâd itdi çok mermer terâş
Nüsha-i baht-i siyehden hakk olur harf-i galat
Olsa ger levh-i felekde nokta-i ahter terâş
İttihâd-i cins ile yek-reng olursa hâsiyet
Cevher izhâr idemez her sengden gevher-terâş
