Fark-i mâhiyyet-i dil çeşm-i temâşâdandur
Pertev-i nîk ü bed âyîne-i sîmâdandur
Revzen-i hâneyi sermâda güşâd itmekdür
Serdî-i bezm-i edeb hande-i bî-câdandur
Hâzır ol bezm-i mükâfâta eyâ mest-i gurûr
Rahne-i seng-i siyeh penbe-i mînâdandur
Sâf-dil tîre-nihâdâna olur feyz-resân
Güher-efşânî-i sâhil kef-i deryâdandur
Sâmiyâ hâne-ber-endâzî-i dil hem-çü habâb
Cûşiş-i mevce-i seyl-âbe-i sahbâdandur
