Feyz-i mihrünle dile tâb-i safâ vir yâ Rab
O nihân-hâne-i târîke ziyâ vir yâ Rab
Eyleyüp deşt-i hakîkatde dili âteş-rev
Destüme meş’ale-i nâr-i hüdâ vir yâ Rab
‘Aşkı hurşîd ü süveydâyı idüp bedr-i münîr
‘Âlem-i câna dahı subh ü mesâ vir yâ Rab
Nahl-i nezzâreyi kıl eşk ile ser-sebz-i şühûd
Dâne-i merdümek-i çeşme nemâ vir yâ Rab
Dil-i Sâmîye tek-â-pûy-i talebde meded it
Medd-i âhın ana âhenden ‘asâ vir yâ Rab
