Gamzen Ohından Yüregüm İçi Tolu Yaradur

Ahmedi

1334 - 1413
  • 516 okuma
  • 7 sene önce
  • Yorum Yok
0 ● 5 0 Oy

Gamzeñ ohından yüregüm içi tolu yaradur
Bu âdetdür ki sinüñ kamu cevrüñ yâradur

Zahmuña tîmâr it dirler nicesi yaraya
Merhem ol yaraya kim binüm yüregüm yaradur

Yalvaruban yâre dur zahmuma merhem ur didüm
Hîç didüm mi ki her lahza yüregüm yaradur

Kanmadı kan içiben hûnî gözüñ yâ-Rab aña
Kim didi ki âhır zamânuñ fitnesin uyaradur

Cân u göñül sunına olsun fidâ ol Sâniüñ
Kim senüñ bigi nigârı mâh-peyker yaradur

Yara her kim yarayam dir canı ter itmek gerek
Âşıkı maşuka cân virmek-durur kim yaradur

Ney bigi göynüklü oldı Ahmedînüñ nâlesi
İçi taşı hicrüñüñ odı-y-la tolu yaradur

Ahmedi

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir