Gönül Ki Seyr-i Cemâliyle Kâm-yâb Degül

Arpaeminizade Sami

? - 1733
  • 543 okuma
  • 8 yıl önce
  • Yorum Yok
0 ● 5 0 Oy

Gönül ki seyr-i cemâliyle kâm-yâb degül
O mihr mün’akis-i dîde-i pür-âb degül

Secencel-i dil ider nûr-i hüsni bâzîçe
Felekde şa’şa’a-i kurs-i âftâb degül

Hirâs-i fikr-i nigâhunla hâme-i müjgân
Kenâr-i dîdeye tasvîr-sâz-i hâb degül

Misâl-i meşreb-i sîm-âb tâb-i ‘aşkunla
Tenûr-i gamda gönül râhat-intisâb degül

Olur hamâme-i dil şâh-bâz-i çeşmüne sayd
Ki rûy-gerd-i ser-i pençe-i ‘ukâb degül

Figân ki çihre-i maksûddan nesîm-i emel
Girih-güşâ-yi serâ-perde-i nikâb degül

Hayâl-i bâde-i la’lünle mestdür Sâmî
Ki hâstgâr-i neşât-i şarâb-i nâb degül

Arpaeminizade Sami

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir