Harf-i gama devât u kalem şekl-i âhdur
Aña mürekkeb âhda dûd-ı siyâhdur
Nakş-ı hatuñla yazıludur safha-i derûn
Odlara yakma yazug efendi günâhdur
Haddüñ katında mihr-i felek bir zavalludur
Alnuñ yanında bedr ise bir sîr-i mâhdur
Hum gibi sen de tasfiye-i bâtın it yüri
Dergâh-ı mey-fürûş ulu hânkâhdur
Na’l u elifler ile göñülde nisân-ı ‘aşk
Tugrâ-yı hükm-i husrev-i ‘âlem-penâhdur
Sultân-ı ‘aşka bende satar şimdi kendüyi
Bâkî de hak budur ki ‘aceb pâdişâhdur
