Hat-i siyâh ruh-i dil-rübâ yerin tutdı
Husûfdur ki meh-i pür-ziyâ yerin tutdı
Belürdi dîdeden ‘aks-efgenî-i hûn-i ciger
‘İzâr-i yârde reng-i hayâ yerin tutdı
Hayâl-i zülf ile âmed-şud-i nefes dilde
Bürîde-nâfe şemîm-i sabâ yerin tutdı
Gedâ-yi şâh-nihâdam ki dâmen-i külehüm
Serümde sâye-i perr-i hümâ yerin tutdı
O güm-sürâg-i cünûnam ki reng-i hayrânî
Ruh-i delâlet-i Hızr-i hevâ yerin tutdı
