Heves-i sohbet-i cânân ile öldüm gitdüm

Aşık Çelebi

1520 - 1572
  • 374 okuma
  • 4 sene önce
  • Yorum Yok
0 ● 5 0 Oy

Heves-i sohbet-i cânân ile öldüm gitdüm
İrmedüm vuslata hicrân ile öldüm gitdüm

Nâlişüm işide rahm eyleye öldüre diyü
Âh kim nâle vü efgân ile öldüm gitdüm

Bir yana ta’ne-i agyâr ile cânum çıkdı
Bir yana mihnet-i devrân ile öldüm gitdüm

Ne sorar derdümi ne hâlüme rahm eyler var
Dostlar hasret-i dermân ile öldüm gitdüm

Segler âsûde eşigünde vü ‘Âşık mehcûr
Âh kim gayret-i akrân ile öldüm gitdüm

Aşık Çelebi

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir