Kapuñdan men ider bini hâcib
Baña itmez midi cevri havâcib
Yüzüñ nûrı-y-ladur rûşen-menâzır
Lebüñ zikri-y-ledür şîrîn-meşârib
Yañaguñda ohınur Rabbü’l-meşârik
Saçuñda yazılur Rabbü’l-megârib
Yüzüñün rûşen itsün Hak çirâgın
Ki andan nûr alur şem-i kevâkib
Saçuñuñ akdidür menzil-geh-i rûh
Garâyib yir olur Kadr ü Regâyib
İşitse Ahmedî sâzının zühre
Sürûd u rûddan ola-y-dı tâyib
Dikenden gül bigi bu huşk-lebden
Ne ter sözler biter gör zî-acâyib
