Lebün çü kıble-i cândur baña ne Kabe vü Hac
Safâya irmege ışkuñ yolı-durur menhec
Saçuñ kemendine düşdi göñül bu sevdâdan
Ki tolu piç-ile çîndür nice bula mahrec
Kaşuñ kemânı çü gamzeñ ohına vire güşâd
Ne cân ola ki belâdan orada bula ferec
Yüzüñe bedr diyen kişi vü kaşuña hilâl
Muhâl oldı hayâli vü düşdi fikret kec
Cihânda gün bigi uş rûşen oldı kim yüzüñ
Kemâl-i sunınadur Hâlikuñ bihîn-i hücec
Baña diyen kişi kim ışk u bâœeyi terk it
Meger ki bilmedi yohdur kişiye dînde harac
Çün Ahmedî sebak kamudan sözde
Nice irem dir aña her bir ebter ü arec
