Mürg-i seher-hwân nüvâht zemzeme-i ûd bend
Lâle zi yâkût sâht micmere-i ûd
Mushafı açdum ne geldi sûre-i Rahmân
Yılduza bahdum ne togdı tâli c-i mesûd
Cân u göñülden ben ol nigârı severem
K’aña mukâbil cihâna gelmedi mevcûd
İremedi vasl-ı devletine Süleymân
Öremedi bir zırıh saçı bigi Dâvud
Nûh bigi gözlerüm niçe döke tûfân
Niçe yana yüregümde âteş-i Nemrûd
Yâre irişen kişi bu dünyayı n’ider
Yâri bulana dahı cihânda ne maksûd
Yâr-durur dünyada murâdı kamunuñ
Yâre mürîd olmayan kişi ola merdûd
Yâr katında Eyâz tek olasın hâs
Âkıbetüñ Ahmedî olur-ısa Mahmûd
