Ne feyzi zühd ü ne şeyh-i diyârdan gördük
O hâleti ki mey-i hoş-güvârdan gördük
Me’âl-i ‘ukde-i pîçiş-nümâ-yi ümmîdi
Nühüfte-şîve-i ebrû-yi yârden gördük
Çü serv ser-keş olan pest olur hakîkatde
Bu sırrı âyine-i cûybârdan gördük
Şinâverânı garîk ü şikeste keştîler
Telâtum-i yem-i ‘aşkı kenârdan gördük
Tarâvet-i çemen ü nûş-i mey leb-i deryâ
Tamâm-i ‘âlem-i âbı Hisârdan gördük
Hilâf cins ile sohbet netîcesüz idügin
Cevâb-i bî-saded-i kûhsârdan gördük
Verâ-yi perde-i vahdet ne oldugın zâhid
Derûn-i hırka-i peşmîne-târdan gördük
Bu feyz-i nâtıka-i rûh-bahşı ey Sâmî
Zuhûr-i neş’e-i evvel-bahârdan gördük
