O Çeşm-i Haste-tab’a ‘Anber-i Kuvvet-fezâdur Hat

Arpaeminizade Sami

? - 1733
  • 433 okuma
  • 5 sene önce
  • Yorum Yok
0 ● 5 0 Oy

O çeşm-i haste-tab’a ‘anber-i kuvvet-fezâdur hat
Şikest-i reng-i hüsn-i yâre hem-çün mûmyâdur hat

İder fevvâre-i hûn-âb-i hasret nevk-i müjgânı
Reg-i kâm-i nigâha turfe gerd-i müşksâdur hat

Nesîm-i ‘işveden âb-i hayât-i hüsn olur pür-mevc
Habâb-i sâf-i gabgabdan çıkan reng-i hevâdur hat

Dehânı nokta-i rengîn-i pergâr-i tebessümdür
İhâta itmiş anı halka-i devr-i vefâdur hat

Süveydâ-yi derûnum ‘aks ider mînâ-yi çeşmümden
Anı kûteh-nigâhân zann ider kim rû-nümâdur hat

Olur mir’âta baksa sîr-çeşm-i lezzet-i dîdâr
Gazâl-i sebzezâr-i fitneye sünbül-gıdâdur hat

O çâr-ebrûya iki mısra’-i mevzûndur Sâmî
Ki hüsn-i matla’-i şeh-beyt-i ebrû-yi dütâdur hat

Arpaeminizade Sami

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir