Ol Bülbül-i ‘Aşkam Ki Gül Ü Yâsemenüm Yok

Arpaeminizade Sami

? - 1733
  • 412 okuma
  • 3 sene önce
  • Yorum Yok
0 ● 5 0 Oy

Ol bülbül-i ‘aşkam ki gül ü yâsemenüm yok
Ol tûtî-i gûyâ-yi firâkam çemenüm yok

Ben tekye-i ‘aşkunda o ‘uryân-i gamam kim
Pinhân-i beden itmege bir pîrehenüm yok

Ol hâne-harâbam gam-i hicrânun ile âh
Feryâd ü figân itmege beytü’l-hazenüm yok

Bî-hûde hemân micmere-i dil olur âteş
Âh itmege bir turre-i ‘anber-şikenüm yok

Pervâne-tabî’at gönül ey Sâmî-i şeydâ
Sûzân olacak meş’ale-i encümenüm yok

Arpaeminizade Sami

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir