Ol kâkülün ki sun’-i Hudâ serde eylemiş
Bâl-i hümâyı pâyuna güsterde eylemiş
Hâl-i bütânı merdümek-i çeşme nakş iden
Hüsni ezelde ‘aşk ile perverde eylemiş
Nessâc-i kâr-hâne-i hayret cemâlüne
Enzârı târ ü pûd-i serâ-perde eylemiş
Şahs-i günâhı mâşıta-i ‘afv-i Kirdgâr
Hem-reng-i hüsn-i şûh-i siyeh-çerde eylemiş
Zâhid reh-i mecâzı hakîkat-nişân iden
Hüsn-i sülûki cilve-i âherde eylemiş
Sâmî bülend-perde-i sâz-i mahabbeti
Hunyâgerân-i ‘aşk muhayyerde eylemiş
