Oldı firâkuñ odı baña derd-ile belâ
Vay ol kişiye kim ola bu derde mübtelâ
Ben nice sabr eyleyeyim bu belâya kim
Eyyûba dahı irmedi bu resm-ile belâ
Müşgîn saçuñ hevâsı perîşân ider beni
Müşkil-durur bu ukdeî kimdür ki hall kıla
Ger âh kılam karara dütünden gögüñ yüzi
Ger aglayam yaşum-ıla yir kana gark ola
Sen dostdan iren oda yahıldı varlıgum
Düşmem baña ne dürlü belâ itdi-se bula
Hicrüñ ki yahdı ûd-sıfat cañumı oda
Ney bigi virdi hâsılını ömrümüñ yile
Her ki Ahmedî’nüñ ohır-ısa derd-nâmesin
Baş ola bagrı gözleri kan yaş-ıla tola
