Olsa hâl-i lebi teb-hâlede mânende-i dâg
Dil olur sîne-i pür-nâlede mânende-i dâg
Hâl-i ruhsâruna nezzâre-i germ itdükçe
Merdüm-i çeşmüm olur lâlede mânende-i dâg
Âh idüp fikr-i zuhûr-i hat-i rûyunla bu şeb
Oldı meh dâ’ire-i hâlede mânende-i dâg
Sûziş-i hecr-i leb-i âbiledârunla olur
Her habâb âteş-i seyyâlede mânende-i dâg
Gelse hoy-kerde-cebîn bâga o âteş-çihre
Gül olur mevc-i teh-i jâlede mânende-i dâg
Hünere dâl olur ‘ayb dahı olsa be-câ
Zeyl-i nev-bâfte-i kâlede mânende-i dâg
Tâb-i gayretle ider müşk-i midâdum Sâmî
Nâfı âhû-yi kühen-sâlede mânende-i dâg
