Rûşen olmaz dil hayâl-i çeşm-i hûn-âşâmsuz
Şu’le-rîz olmaz çerâgum revgan-i bâdâmsuz
Sînede sûziş gerek çirk-i güneh pâk olmaga
Eylemez sâbûn-i istigfâr eser hammâmsuz
Hâbgâhıdur sevâd-i çeşm-i âhû-yi Hoten
K’oldı dil fikr-i nigâh-i yâr ile ârâmsuz
Gül-feşân-i neş’e mestî-i şarâb-i telhdür
Bî-nemekdür hande-i la’l-i lebi düşnâmsuz
Çün nesîm-i âh olur Sâmî şerer-hîz-i derûn
Gelse bâd-i subh-dem bûy-i gül-i peygâmsuz
