Şî’aveş âhir olur kâmeti âlâmda lâm
Çıkaran vaz’-i teberrâ ile düşnâmda nâm
Mûy-i çînî gibi nâ-çîz iken efgân iderek
Rahnedâr oldı bütün mülket-i A’câmda câm
Bûs-i la’li hat-i şeb-gûnı ile rengîndür
‘Ayşa çespânter olur tab’-i mey-âşâmda şâm
İdüp efzûn cihet-i hüsnini menşûr-i hatı
Buldı dil mertebe-i ‘aşk ile ahkâmda kâm
Sür yüzün zeyline erbâb-i kulûbı cezb it
Sâmiyâ eyleyegör sûret-i ikrâmda râm
