Şemşîrini Takınca Ne Hoşdur O Bel İnce

Arpaeminizade Sami

? - 1733
  • 464 okuma
  • 4 sene önce
  • Yorum Yok
0 ● 5 0 Oy

Şemşîrini takınca ne hoşdur o bel ince
Şemşîri nitâkınca nitâk ince belince

Kuhsâr-i mahabbetdeki râh ince bel ince
Bâr-i gam-i hicrân çekilür mi cebelince

Hayfâ ki ‘arûs-i tutuk-ârâ-yi ümîdüm
Âgûş-i dile mûy sefîd oldı gelince

Pür-ra’şe gerek dil vasat-i havf ü recâda
Çün kıble-nümâ dergeh-i Hakka yönelince

Vâ-bestedür ey dil düzele nâhun-i kârun
Şîrâze-i mecmû’a-i matlab düzelince

Nazmı yine Sâmînün olur ragbete şâyân
Olmazsa da ey hâme Nazîmün gazelince

Arpaeminizade Sami

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir